Elorrion eta Iurretan mendi martxa bana, asteburuan

Iurretako martxa 08:00etan hasiko da pilotaleku parean. Guztira, 29,3 kilometro ditu, eta 1.580 metroko desnibel positiboa; Atxarte, Urkiola, Saibigain, Leungane, Mugarrikolanda eta San Andres ingurutik ibiliko dira, eta ibildeak ez du zailtasun tekniko handirik. Izen-ematea egunean bertan egin daiteke, 07:00etatik aurrera (10 euro).  

Elorrion ibilbide bi prestatu dituzte. Biak hasiko dira plazan, eta Elorrioko auzoak eta mendiak ezagutzeko aukera eskainiko dute. Ibilbide luzeak 31 kilometro ditu, eta 07:30ean hasiko da; Memaia, Udalatx, eta Intxorta ingurutik ibiliko dira. Laburra 09:00etan hasiko da. Izen-ematea egunean bertan egin daiteke, edo e-mail honetan: erdellamt@erdellamt.com.

Martxa bietan anoa-postuak jarriko dituzte, eta amaieran dutxak egongo dira.