Rio de Oro egitasmoko sustatzaileetako bat den Mikel del Arcoren esanetan “atzo une kritikoak” igaro zituzten: “Orain apur bat hobeto dago, baina egoera kritikoan darrai”. Ebakuntzaren ostean sortu zitzaion infekzio bat izan da Mohameden egoerak txarrera egitearen arrazoia.
Egitasmoko sustatzaileek hastag bat sortu dute twitterren: #FuerzaYahya. Helbide horren helburua ez da Mohameden osasun egoeraren berri ematea, Tindufeko kanpamenduetan bizi direnek dituzten “eskubide faltak” salatzea baino: “Gazte hau europarra balitz, jaio eta berehala diagnostikatuko zioten bihotzeko arazo hori eta sei hileren barruan egingo zioten ebakuntza. Mohamedek sei urte itxaron behar izan ditu”.
