Arabako Foru Aldundiak kudeatzen duen linea bat izanda, lineako herri gehienak Bizkaikoak direla gogorarazi dute, eta horregatik, administrazioen arteko koordinazio lana egiteko, eskatuko dute Garraio Agintaritzak esku-hartzea: "Azken finean, edozein izanik garraio publikoa kudeatzen duen instituzioak, herritarrek garraio publiko duina eta eraginkorra jasotzeko duten eskubidea bermatu behar da".
Ziurrenik agerraldia irailean izango da, garraio gaiak lantzen duen, ingurumen eta lurralde politikako batzordean. Agerraldiaren asmoa da Arabako Foru Aldundiak linea horren esleipena egin baino lehen, alkateen eta erabiltzaileen iritzia entzunarazi ahal izatea.