Durangaldeko kriminalitatearen inguruko datuak aztertzeaz gainera, gaur eguneko egoeraren diagnostikoa egin zutela azaldu dute. Batzar horretan erabaki zuten moduan, bost mahai tekniko sortuko dituzte. Beraz, herri bakoitzak Ertzaintzako arduradunek eta udaltzaingoak osatutako lan-talde propioa izango du.
Batzarrean adostu zuten beste gaietako bat, "ahulenak" izan daitezkeen gizarteko sektorerei berbaldi informatiboak eskaintzea izan zen, pertsona nagusiekin, esaterako. Ostalari eta enpresariekin ere batzartu gura dute delituak ez jasateko hartu daitezkeen neurriak azaltzeko.
Ertzaintzako iturriek gaineratu dutenez, etxebizitzetan lapurretei aurre egiteko neurriei buruz berba egin zuten. Era berean, ikastetxeetan drogen eta sare sozialen bidez egindako bulling eta jazarpena bezalako delituen inguruko hitzaldiak emateko aukera ere aztertu zuten. Irailean batzarrean hartutako neurrien balorazioa egingo dute.