Azken bilkuran aho batez onartu dute 2014tik indarrean duten diru-laguntzagaz jarraitu eta honen ordenantza propio bat egitea. Beraz, azken bi urteetan bezala, berriztarren euskarazko sorkuntzei laguntzen jarraituko dutela onartu dute. Herritarrek beraien musika, bertsogintza, literatur... lanak aurkeztu ondoren, udalak emandako laguntza jasotzeko aukera izango dute.
Orland Isoird alkatearen hitzetan: “Udalak euskarazko kultur ekoizpeneei laguntzeko 2.000 euro inguruko diru partida dauka. Beraz, aurkeztutako lanak baloratu, eta ondoren egingo litzateke diruaren banaketa “.
Zerbitzuak eta ikastaroak
Herriko denda eta tabernetan euskarazko errotuluak jartzen dituzten merkatari eta ostalarientzat ere diru-laguntzak emango ditu Berrizko Udalak. Euskara hutsean jarrita dauden errotuluek diru-laguntza handiagoak izango dituztela adierazi du alkateak.
Bestalde, ikastaroak euskaraz egiten dituztenentzat ere diru partida bat egongo da.