Andoni Arrien etxekoen entrenatzaileak ez dio garrantzi handirik eman nahi izan Fernandezen itzulerari: “Egia esateko, ez daukagu hori kontuan. Berdin zaigu nor datorren”. Partidu orekatua aurreikusten du: “Iurretak talde ona dauka; sailkapenak ez du bere maila islatzen”. Berrizen hasierako helburua sailkapenaren goikaldean egotea zen. “Orain apur bat urrunduta gaude, baina oraindik hamahiru jardunaldi geratzen dira, eta goian amaitzea espero dut”.
Fernandez asteburuko derbia heltzeko irrikaz dago: “Partidu honetarako gogo handia daukat, puntuez gain, berezia baita niretzat”. Berrizburun, bere jokalari ohiak motibazio handiarekin irtengo dira zelaira. “Etxean gogo handiz jokatzen dute, gogoz irtengo den Berriz bat espero dut zapatuan”, dio Iurretako B-ko entrenatzaileak. Zulotik ateratzeko puntuen beharra azpimarratu du Fernandezek.