Hiruhileko honetan, helduen ikastaroen %14-a gaztelaniaz ematen dira, gazteenei zuzendutakoak euskara hutsean eta helduen ikastaro helebidunak %38-a dira. Bestalde, eskola kirolean ere euskara bultzatzea da udalaren helburua. Horregatik udalak eta Berrioiz guraso elkarteak haur eta gazteen aisialdiko euskararen erabilera sustatu nahi du. Entrenamenduetan behaketa egin ondoren hainbat helburu jarri dituzte: eskola kiroleko entrenamenduak zein hizkuntzatan egiten diren ezagutzea, entrenamendu horietan euskararen ahozko erabilpena bultzatzea eta bultzatzen duten taldeen erreferentzia zabaltzea. Horrez gain, institutoko guraso elkarteak eta zuzendaritzak kontsulta pasa zuten eta %50-ek erantzun ondoren, bostek izan ezik, denek euskaraz nahi dituzte umeen entrenamenduak.