Elkartasun kontzertu berezia izango da zapatukoa. Berrizko Osasun, Ongizate, Kooperazio eta Inmigrazio kontseiluak antolatu du jaialdia. Iaz egin zuten lehenengoz elikadura bankuari laguntzeko kontzertua, eta, orduan ere, Berrizko musikariek eta Berrizekin harremana duten musikariek parte hartu zuten.
Kontzertua Berrizko kultur etxean hasiko da, 20:00etan. Berrizko bertso eskolak, Joshua Froufe eta Usue Martinez bakarlariek eta Senegalgo doinuak lantzen dituen Boubak parte hartuko dute.
Kulturarteko jaia, ekainaren 14an
Udal kontseilua kulturarteko topaketak antolatzen ere badabil. Urtero egiten dute hainbat jatorritako janaria eta musika ezagutarazteko jai hori. Aurten, ekainaren 14an izango dela azaldu dute. Datorren astelehenean, maiatzak 25, finkatuko dute egitaraua.