Uztailaren 6tik 24ra izango dira, aurten, Berrizko Udalak eta Pagotxa aisialdi elkarteak elkarlanean antolatutako udalekuak. Astelehenean hasiko da izena emateko epea, eta maiatzaren 27ra arte egongo da horretarako aukera. Hiru talde egongo dira: Haur Hezkuntzakoek Txiki-txoko izango dute, Lehen Hezkuntzakoek Gazte-txoko eta DBHkoek udaleku ibiltariak izango dituzte kostaldetik.
Udalekuetan behar egiteko hezitzaile bila dabil Pagotxa. Maiatzaren 18ra arte bidali daitezke curriculumak pagotxa.kurrikulumak@gmail.com helbidera. Aisialdiko hezitzaile titulua eta EGA izatea eskatu dute elkartetik; kontuan hartuko dituzte Berrizen bizitzea eta udalekuetan esperientzia izatea.