Oihalen ekimena
Ekainean Gure Esku Dagok egingo duen nazio mailako ekitaldira begira, oihal zatiak saltzen hasi da Kantxa Zati Bat. Hogei pertsonako taldeetan, oihal bat hartu, margotu, eta mezuak idaztea da kontua. Gero, egun jakin batean, Berrizko oihal guztiak josteko geratuko dira, eta oihal handi hori Bizkaiko beste herrietako oihalekin josiko dute ekainaren 20an, San Mamesen. Kantxa Zati Batekoak elkarteetara eta taldeetara jotzen hasi dira, oihal zatiak eskaintzeko. Interesa dutenei eurengana jotzeko dei egin diete.