Azaroaren 7ra arte dago bideoak aurkezteko aukera. Saria tableta elektroniko bat izango da, edo haren prezioa duen erosketa txartel bat, Berrizko dendetan edo jatetxeetan gastatzeko.
Sari bi izango ditu lehiaketak. Lehenengoa herritarrek emandakoa izango da. Azaroan, institutuan eta Kultur Etxean ikusi ahalko dira lanak, eta gogokoena bozkatu ahalko dute. Bigarren saria epaimahai batek emango du; bertan egongo dira Euskara Batzordeko, merkatarien elkarteko, kirol arloko, gaztelekuko eta euskaltegiko ordezkari bana.