Umeen arropa, elikagaiak, kirol arropa... askotariko produktuak erosteko aukera egongo da. Berrizko zazpi dendek parte hartuko dute azokan: Txaparro denda, Boutique Luisa, Ibai-Ondo burdindegia, Tipi-tapa umeen arropa denda, Salkin kirol denda, Txiki-txiki mertzeria eta Asibar arropa denda.
BMEn, lehendakari aldaketa
Berrizko Merkatari Elkartean bederatzi urtez lehendakari izan den Saturnina Blanca hil honetan jubilatuko da, eta bere ordez Keñu zentro optikoko Aitziber Zabalak hartu du berriro lehendakari postua; Blancaren aurretik bera zen lehendakaria.
Herriko merkatarien egoera “gogorra” dela azaldu du Zabalak, baina badabiltzala lanean. Momentu honetan saltokietan hobekuntzak egiteko diru-laguntza eskariekin dabilltza.