Astelehenetan, eguaztenetan eta barikuetan egingo dute Berrizen hondakin organikoen bilketa, aterik ate. 58 familiak eta jatetxe eta supermerkatu banak parte hartzen dute ekimenean, eta guztien atarietatik pasatzen da Ibai Otadui udal behargina. Ibilbidea, goizeko 08:30etik 11:00etara betetzeko diseinatua dauka.
Ekimeneko boluntarioek badakite euren etxetik zein ordutan pasako den. Hondakinak ibilgailu elektrikoan hustu, ontziak garbitu eta berriro atean uzten ditu udal beharginak. Denak batuta, Berrizburuko konpostaje-plantara eroaten ditu. Han, organikoa nahastu egiten du ‘materia marroia’-gaz (adarrak, iñausteak...), eta konposta lortzeko lehenengo pausua bete.
Berriziklatu du izena udal egitasmoak, eta astelehenean hasi ziren, eta Otaduik azaldu du 300 litro batu zuten.![\"\"](\"/fc_imagenes/konpostajebarruan.jpg\")
Erabiltzaile guztiek ez dute seinalatutako egun guztietan aterako edukiontzia, baina lehenengo egunetan altua izan da kopurua: “Astelehenean eta eguaztenean lau bat edukiontzi baino ez ziren faltako”.
Organikoa eta errefusa
Organikoaz gainera, sailkatu ezin daitekeen materia ere batzen dute, teknikoki ‘errefusa’ deitzen diotena. Zigarrokinak, konpresak, bizar-aitzurrak edota zeramika dira, esaterako, multzo horretakoak. Boluntarioek ondo bereiztu behar dituzte organikoa eta errefusa, eta horretarako etxean dute irizpide-orria. Organikoa zuzenean botatzen dute ontzira, eta errefusa poltsa batean ateratzen dute.
Julen Arzuaga Tokiko Garapen teknikariak azaldu duenez, kaleko edukiontzi berdea “ahaztea” gura dute. Horregatik arduratzen dira eurak hori ere batzeaz, gero birziklatu ez arren.
Arzuagak dio urtebete pasatuta egitasmoaren emaitzak aztertuko dituztela. Esperientzia proba bat izan arren, “etorkizunerako borondatea” ei dauka ekimenak. Asteon interesdun berriak agertu dira, eta
sei hilabete barru parte-hartzaile kopurua handitzea espero dute.
|
Proiektuaren parte izateko arrazoi asko daudela esan du Rober Canok. “Arrazoi nagusia, konpostajearen ideia garatzea eta hondakinak murriztea eta berrerabiltzea izan da”. Dioenez, “normalean zabortegiatera eta erraustegietara bideratzen den zabor kopuru handia naturara bueltatzea lortzen da”. Horregaz batera, “erosotasuna” ei dakar: “Edukiontzi-gunera joan beharrean etxean lagatzeak erraztasuna ekartzen du”. “Ez du esfortzurik eskatzen”. |
![\"\"](\"/fc_imagenes/berrizplano1(2).jpg\")
Rober Cano|
Birziklatzearen aldekoa izan da beti Rosa Petrel. Astelehenean atera zuen edukiontzia atarira. “Bi gara etxean, eta eguaztenean ez geneukan botatzeko nahikorik”. Gaur berriro botatzeko intentzioa zeukan. “Gauza berria da, eta ikusi beharko da zelan erabiltzen den, baina ideia ona iruditzen zait”. Galdera erretorikoa bota du: “Zertarako botako dugu zakarretara, aprobetxatu daitekeen zerbait?”. |
![\"\"](\"/fc_imagenes/berrizplano2(1).jpg\")
Rosa Petrel|
Berrizen, DIA kateko supermerkatuaren jabea da |
![\"\"](\"/fc_imagenes/berrizplano3(1).jpg\")
Juan Ramon Turrion