2007ko martxoaren 25ean, AHTaren gainean herritarrek duten iritzia zein den jakiteko galdeketa egin zuten Atxondon. Herri mugimendutik antolatutako galdeketa izan zen. Harrezkero zortzi urte joan dira. Gobernuak Atxondo-Abadiño arteko tartea esleitzeko asmoa erakutsi berri du, eta hainbat herritarrek urteurrena aprobetxatu dute AHTak herrian eragingo lukeen “txikizioa” gogoratu, eta honako mezu hau igortzeko: “Zain gauzkate orain ere datorrenari aurpegira esateko egunetik egunera arrazoi piloa pilatzen gabiltzala AHTari ezetz esateko; erokeria honi aurre egiten jarraituko dugu”, esan zuen galdeketaren sustatzaileetako bat izan zen Andoni Arbuluk.“Herri osoa parean aurkituko dute”.
2007ko galdeketan 471 herritarrek parte hartu zuten, eta 468k AHTari ezetz esan zioten.
Atxondoko tartea egiteak “gurean txikizio handia eragingo luke”. Kilometro eta erdi luzeko zubia herriko plazatik 200 metrora eraikiko lukete: “Herritarren bizi kalitatea kaltetu egingo litzateke, eta, ondorioz, gure herria hustu”.
Gainera, AHTa “guztiz defizitarioa izango da”, adierazi zuenez. “Nondik aterako dute hori mantentzeko dirua? Herritarren poltsikotik”. Trena Madrilera eta Parisera helduko ote den ere zalantzan ipini zuen: “Inora ez doan trena da. Abiadura handiko uhartea”.
“Herri galdeketa egitea herritar askoren arteko elkarlana izan zen”Maider Eguren Oleaga - 2007ko herri galdeketako sustatzaileetako bat
Herri galdeketak non izan zuen sorburua? |
