Alluitz mendiaren ipar-mendebaldeko aldean geratu dira kateatuta bi mendizaleak. Axpetik (Atxondo) egin dute mendirako igoera, eta tontorretik metro gutxira gelditu dira ezin mugitu. Halaxe jakin eragin du Ertzaintzak. Eguerdiko 13:00ean jaso dute abisua SOS-Deiakeko arduradunek. 17:30 inguruan amaitu da erreskatea.
Mendi Taldeko bost ertzainek parte hartu dute erreskatean. Alluitz mendi tontorretik rappel egin behar izan dute mendizaleengana heltzeko, eta arnesekin lotuta igo dituzte. Helikopteroarekin jaitsi dituzte Axpera. 32 eta 40 urte bi gizon izan dira erreskatatuak.
