Ohi bezala, Mozorro Eguna egingo dute jaien bigarren egunean, zapatuan. Goizean goizetik gauera arte, jai giroa nabaria izango da Muntsaratzen. Umeentzako aproposak diren hainbat ekimen izango dira goizean: buruhandiak, puzgarriak, eta ludoteka, esaterako. Paella eta tortilla lehiaketak, eta mus eta tute txapelketak ere burutuko dituzte egunean zehar, eta gauean, 22:00etan hasiko den Anima-t diskotekagaz amaituko dute zapatukoa.
Domekan ere, egun osoan egongo da zer egina eta zer gozatua Muntsarazko jaietan: umeentzako herri kirolak eta herri bazkaria, kasurako.