Euskara ikasteko diru-laguntza jaso ahal izateko, baldintza bi bete beharko ditu eskatzaileak: herrian erroldatuta egotea, eta ikastaroetan gutxinez %80ko asistentzia eduki izana.
Eskariagaz batera, nortasun agiriaren fotokopia, matrikula ordaindu izanaren agiria, euskaltegiaren ziurtagiria eta kontu-zenbakia aurkeztu beharko ditu eskatzaileak.
Gobernu taldeak jakitera eman duenez, iaz 37 abadiñarrek jaso zuten euskara ikasleentzako diru-laguntza hau, eta Abadiñoko Udalak 7.000 euro bideratu zituen helburu horretara.
Berbalagun taldea
Diru-laguntza hori jasotzeko bezala, Berbalagun taldeetan parte hartzeko izen-ematea ere irailean zehar egin ahalko dela eman du Abadiñoko Udalak jakitera. Talde horietan parte-hartu eta solaskide izatera animatu ditu Argi Abad Hezkuntza eta Euskara zinegotziak abadiñarrak.