Eskola-umeen artean idazteko eta istorioak kontatzeko zaletasuna bultzatzeko asmoz antolatzen du lehiaketa hau Abadiñoko Udalak.
Beste herri batzuetan ikasi arren, Abadiñon erroldatuta dauden guztiek har dezakete bertan parte. Kontakizunen gaia askea da, eta lanak 100 berbakoak izan beharko dira gutxienez.
Maiatzaren 14ra arte, Errota Kultur Etxean edo Udal Mediatekan aurkeztu daitezke idatziak. Sari banaketa ekitaldia, ekainaren 19an, Txanporta Kultur Etxean, egingo dute.