2013-2014 ikasturteari dagozkion eskariak dira irailaren 1etik 30era arte herritarrek aurkeztu ahalko dituztenak. Eskaria egiteko, honako dokumentuak aurkeztu behar ditu eskatzailek: NANaren fotokopia, kontu zenbakia, matrikula ordaindu izanaren agiria, eta euskaltegiaren ziurtagiria.
Abadiñarrak euskarako klaseetara joatea bultzatu asmoz eskaintzen du Abadiñoko Udalak diru-laguntza hau. Udal ordenantzaren arabera, herrian erroldatuta egon behar du eskatzaileak, eta klaseen %80ko asistentzia frogatu behar du gutxienez, diru-laguntza jasotzeko eskubidea izateko.
Gobernu taldeak azaldu duenez, iaz 49 herritar izan ziren euskara ikasleei bideraturiko diru-laguntza hau jaso zutenak. Guztira, 8.000 euro bideratu zituzten, horrela, euskara ikasleak laguntzera.