EH Bilduk Traña-Matienako osasun zentroari buruz galdetu du Legebiltzarrean

Anboto 2014ko api. 14a, 13:50
EH Bilduk Jon Darpon Osasun sailburuari zuzendutako galdera sorta erregistratu du Legebiltzarrean. Abadiñoko Udalak salaketa jarri du Eusko Jaurlaritzaren aurka, "eraikinak sorrarazten dituen gastuak ez omen baititu ordaintzen".

 

Rebeka Ubera legebiltzarkideak dioenez, ezinbestekoa da Osasun sailburuak sortutako egoera argitzea, eta administrazio publikoak Matienako osasun zentroan duen erantzukizuna argitzea". Gaineratu duenez, "beharrezkoa balitz osasun sailak eraikinaren egoera legala erregularizatu beharko luke". 2010ean Eusko Jaurlaritzak eta Abadiñoko Udalak sinatutako akordioaz, Lakuak Abadiñorekin hartutako konpromisoez, ustez ordaintzeke dituen diru kopuruez eta arrazoiez, Osasun Saila eta udala harremanetan egon diren aldi kopuruez eta Eusko Jaurlaritzak Matienako azpiegituretan etorkizunerako dituen asmoez galdetu du Uberak.

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!